Dyshimet për manipulim të votave në Prizren, prokuroria fillon aksionin: Mbi 100 zyrtarë ftohen për intervistim
Prokuroria Themelore në Prizren ka filluar të lëviz për rastin e manipulimit të votave në Prizren.
Zëdhënësja e Policisë së Kosovës për këtë rajon, Luljeta Mehmeti, ka bërë me dije se më shumë se 100 zyrtarë të angazhuar nga komisioni Qendror i Zgjedhjeve (KQZ) janë ftuar për intervistim nga organet e drejtësisë.
Në një prononcim për RTK, ajo ka thënë se ata do të intervistohet nën dyshimin për manipulim me vota në Prizren në zgjedhjet e 28 dhjetorit.
“Për detajet e këtij operacioni do të njoftoheni në përfundim të tij”, ka theksuar ajo.
