Dushi: Nuk do të ketë përçarje në LDK

Zyrtari i LDK-së, Florian Dushi, ka deklaruar se zhvillimet e fundit brenda partisë synojnë forcimin, e jo përçarjen e saj.

Duke folur në Debat Plus, ai tha se askush brenda LDK-së nuk është i gatshëm të largohet nga partia, pavarësisht nismës për thirrjen e Kuvendit të jashtëzakonshëm.

I pyetur për mundësinë e ndarjeve nëse Lumir Abdixhiku mbetet kryetar, Dushi u shpreh se “përçarje nuk mund të ketë në LDK dhe nuk do të ketë.”

Ai shtoi se “qëllimi është rritja dhe zhvillimi i LDK-së dhe në asnjë mënyrë ndarja apo zvogëlimi i saj.”