Dukagjin Gorani: Dërdëllitja e Vetëvendosjes na i humbi 13 vjet
Analisti Dukagjin Gorani ka thënë se partia që aktualisht ka pushtetin në Kosovë po përballet me realitetin politik, duke theksuar se qeveritë e kaluara e kanë kuptuar rëndësinë e partneritetit ndërkombëtar për ekzistencën e shtetit.
Gorani tha se plani evropian për Kosovën dhe Serbinë nuk ka të bëjë vetëm me këto dy vende, por është pjesë e një projekti më të madh të komunitetit ndërkombëtar perëndimor.
Analisti politik kritikoi Vetëvendosjen, duke thënë se kërkesat e tyre në kohën që ishin në opozitë nuk ishin reale, dhe se dërdëllitja e tyre i ka humbur 13 vjet.
Megjithatë, Gorani e vlerëson faktin që partia në pushtet tani është duke u përballur me realitetin politik dhe po punon në partneritet me komunitetin ndërkombëtar për të ndërtuar një shtet të qëndrueshëm dhe të zhvilluar në Kosovë.
“Tash po thonë që marrëveshja është parimisht e mirë. Por kjo marrëveshje përmban gjëra të cilat ishin në të kaluarën të dakorduara dhe këta u thonin njerëzve ‘tradhtarë. Dërdëllitja e tyre na humbi 13 vjet. Kosova sot është dashur të jetë shumë më përpara me procese. Por kur ne flisnim me pushtetarët dhe pajtoheshim me kërkesat e tyre, këta dilnin e thoshin se nuk mund të bëhen këto. Dilnin nëpër sheshe e bënin protesta. Tash erdhi koha që të shohin se kërkesat e tyre nuk kishin fare të bënin me realitetin politik. Realiteti politik u është dhënë atyre në dokumentin që kanë në tavolinë”, tha ai.
