“Dorëzimi i LDK-së s`është opsion”, Bajrami: Rezultati i 28 dhjetorit është përgjegjësi dhe reflektim për secilin prej nesh
Nënkryetarja e LDK-së, Hykmete Bajrami, ka komentuar rezultatin e kësaj partie në zgjedhjet e 28 dhjetorit.
Ajo ka bërë me dije se ky rezultat është përgjegjësi dhe mësim për secilin zyrtar të LDK-së.
Në profilin e saj në “Facebook”, Bajrami ka shkruar se nuk ka rrugë tjetër përveç ringritjes dhe rikthimit të LDK-së
“Por dua ta bëj të qartë për secilin se vetëm një gjë nuk është opsion: dorëzimi i LDK-së. Pavarësisht rezultatit, pavarësisht rrethanave, LDK ka ndërtuar dhe ndërton çdo ditë standarde, edhe kur fiton, edhe kur nuk arrin rezultatin për të cilin ka punuar dhe ka synuar. Rezultati i 28 dhjetorit është përgjegjësi për secilin prej nesh, mësim për secilin prej nesh dhe reflektim për secilin prej nesh. Nuk ka rrugë tjetër përveç ringritjes dhe rikthimit të LDK-së, duke vendosur gjithmonë LDK-në para individit dhe Kosovën para çdo partie. E kam shkruar dhe po e përsëris edhe një herë: së bashku nuk do të ndalemi, LDK duhet dhe do të rikthehet e para, me punë, me besim dhe me ekip”, ka shkruar Bajrami.
