Dikur i zvogëlonte protestat e VV-së, tash "zvogëlohet" pas Kurtit
Baki Kelani është nga figurat publike më të njohura të Policisë së Kosovës.
Të qenit zëdhënës i Policisë, ai shpesh është përballur me pyetje e përgjigje të vështira.
E një nga deklaratat e tij më të famshme ishte edhe ajo rreth protestë së 9 janarit të vitit 2016, të cilën e kishte organizuar Vetëvendosje, në krye me z.Albin Kurti, tash kryeministër i Kosovës.
Kelani, atëbotë, kishte thënë se në protestën e organizuar nga VV, AAK, e Nisma, morën pjesë jo më shumë se 800 qytetarë, ndonëse sipas raportimeve kishte shumë më shumë se aq.
Por, sot Kelani është parë “gatitu” pas Kurtit, në organizimin për 23 vjetorin e Policisë së Kosovës.
Metaforikisht, pas zvogëlimit të protestës së VV-së, tash është radha e Kelanit të “zvogëlohet” para pushtetitt të Kurtit.
Gatitu, ndonëse pak me fytyrë më të mrrolur, Kelani u pa edhe gjatë fjalimit të ministrit të Brendshëm, Xhelal Sveçla, i cili dikur si protestues gjuante me guar Policinë.
Nuk dihet nëse z.Kelani ka ndërruar qëndrim në lidhje me masovitetin e protestës ku sipas tij kishte jo më shumë se 800 qytetarë protestues.
