Dhuna në Pejë, Pacolli moralizon: Gjithmonë kam gjetur kohë për nënën time
Behgjet Pacolli ka reaguar përsëri për rastin e dhunës që ndodhi dje në qëndren rehabilituese “Orenda”në Pejë, ndaj një të moshuarës, Minire Nurës, e cila është nënë e dëshmorit, Taulant Nura.
Përmes një postimi moralizues në Facebook, z.Pacolli, tha se sado i zënë që ka qenë, gjithmonë ka gjetur kohë për nënën e tij.
“Sado i zënë që isha me punë, gjithmonë kisha kohë për nënën time. Ishte moment çlodhje për mua. Ju që i keni akoma në jetë, jeni me fat”.
Pacolli, me tutje ka shkruar se pasuria dhe lumturia në jetë janë familja.
“Shumë njerëz kërkojnë pasuri dhe lumturi në jetë, por nuk e kuptojnë se atë e kanë në shtëpi. Ajo është familja!”.
Postimi i tij origjinal:
Duket se deputeti i Kuvendit të Kosovës, Behgjet Pacolli është pajtuar me qytetarët që paragjykuan të birin e Minire Nurës, për vendimin e tij për ta dërguar të ëmën në një shtëpi pleqsh.
