Deputetja Kica për Ziadin Selën: Faleminderit për atë që përfaqësoni
Deputetja e Kuvendit të Republikës së Kosovës nga Lista e Vjosa Osmanit, Doarsa Kica Xhelili, ka falënderuar për kontributin e dhënë Ziadin Selën, kreun e Aleancës së Shqiptarëve, i cili sot dha dorëheqje nga ky post.
“Faleminderit për atë që përfaqësoni z. Ziadin Sela”, ka shkruar Kica Xhelili në Facebook.
Kica dhe Sela janë bashkëvendës, të dy vijnë nga Struga.
Ziadin Sela në konferencën e sotme për shtyp në Tetovë njoftoi se ka dhënë dorëheqje nga posti i kryetarit të Aleancës për Shqiptarët.Ai theksoi se arsyeja e dorëheqjes së tij janë rezultatet në zgjedhjet e fundit në Tetovë, duke shtuar se Tetova nuk është vetëm komunë dhe qytet, por diçka më shumë.
