Delegacionet e ShBA-së dhe Pakistanit nisin takimin, Vance shmang pyetjen për Netanyahun
Delegacioni amerikan, i udhëhequr nga zëvendëspresidenti JD Vance, ka përshëndetur delegacionin pakistanez, të kryesuar nga kryeministri Shehbaz Sharif, dhe takimi mes tyre tashmë ka nisur, sipas një raporti të Shtëpisë së Bardhë të cituar nga The New York Times.
Sipas NYT, Vance e injoroi pyetjen e një gazetari nëse kishte ndonjë mesazh për kryeministrin izraelit Benjamin Netanyahu lidhur me operacionet ushtarake në Liban.
Këto operacione po shihen si një pengesë e menjëhershme për negociatat me Iranin.
Takimi mes delegacionit amerikan dhe atij pakistanez vjen në një moment të ndjeshëm diplomatik, ndërsa Uashingtoni po përballet me sfida të njëkohshme në përpjekjet për negociata me Teheranin dhe me zhvillimet ushtarake në rajon.
