Dejona Mihali edhe me "GUXO", Avdyli i thur lavde: E dashur, e kulturuar, një patriote, eksperte e formësuar
Një nga emrat më të komentuar kohëve të fundit por edhe në vazhdimësi, është emri i Koordinatores për Komitetet të Vetëvendosjes (VV), Dejona Mihali.
Përveç pushtetit të paparë brenda Vetëvendosjes e grupit parlamentar të kësaj partie në Kuvendin e Kosovës, ajo duket se pushtet ka edhe më shumë se kaq.
Tashmë Dejona Mihali duket se e ka “kapur” edhe anëtarë të partisë “GUXO” të themeluar nga presidentja Vjosa Osmani, e që aktualisht ka dy kryetar, kryediplomaten Donika Gërvalla dhe ministrin e Bujqësisë, Faton Peci.
Është deputeti i GUXO, Haxhi Avdyli, i cili ka publikuar një fotografi me Mihalin e VV-së.
Ata shihen të buzëqeshur, teksa deputeti Avdyli pak ka ironizuar e shumë ka thur lavde për Mihalin.
“Vendosa me u anku në grup parlamentar për Dejonën. Që për 3 vite deputet asnjë fjalim nuk ma shkroi, asnjë sugjerim, e asnjë thirrje sma bëri për qëndrimet e mia.”
“Jashtë sarkazmës, Dejona është një person e dashur, e kulturuar, një patriote, eksperte e formësuar, që të dëgjon me vëmendje dhe pranon sugjerimet tona.”
Ndërkohë, ditë më parë, dolën mesazhet ku Dejona Mihali ia shkruante statuset për Facebook deputetes Adriana Matoshise si të sulmojë një analist.
