Dallaveret me vota, Gjykata e Prizrenit sot cakton masën e sigurisë për 109 të arrestuarit

Gjykata Themelore e Prizrenit ka njoftuar se sot në orën 14:00 janë caktuar seancat dëgjimore për caktimin e masës së sigurisë për 109 personat, të cilët dje janë arrestuar si të dyshuar për dallaveret me vota në zgjedhjet e 28 dhjetorit.

“Gjykata Themelore në Prizren, njofton mediat se me datë sot me datë 24.01.2026, në Gjykatën Themelore në Prizren, nga ora 14:00, janë caktuar seancat dëgjimore për caktimin e masës së sigurisë, për rastin në të cilin me datë 23.01.2026, janë ndaluar 109 persona lidhur me dyshimet për kryerjen e veprave penale kundër të drejtës së votimit”, është thënë në njoftimin e gjykatës.