Dalin disa prej çasteve të fundit të Haniyeh-ut në Iran, jepen hollësi të vrasjes
Agjencia iraniane e lajmeve, IRNA, ka publikuar një video të atyre që do të kenë qenë disa prej momenteve të fundit në publik të kreut të byrosë politike të Hamasit, Ismail Haniyeh, në Teheran.
Figura e lartë e grupit palestinez shihet me disa burra duke e vizituar ekspozitën “Toka e Civilizimeve”, sipas videos të publikuar nga agjencia IRNA në rrjetin X.
Mediat shtetërore iraniane raportojnë se vrasja e Haniyeh-ut ndodhi rreth orës 2 të mëngjesit, përderisa ai ishte duke qëndruar në një rezidencë për veteranë të luftës.
Deri më tani, pak hollësi kanë dalë rreth rrethanave të sakta të vrasjes.
Mediumi “Nour News” raportoi se ndërtesa ku ndodhej Haniyeh-u u godit nga një “predhë ajrore” dhe se “hetime të mëtejme janë duke u zhvilluar për t’i përcaktuar hollësitë e këtij operacioni terrorist”, përcjell agjencia “Reuters”.
The latest video of the martyr "Ismail Haniyeh" in Tehran and his presence in the "Land of Civilizations" exhibition pic.twitter.com/hEp8XzloiH
— IRNA News Agency (@IrnaEnglish) July 31, 2024
