Çka thanë Kurti e Hamza para fillimit të takimit?

Ka nisur në objektin e Kuvendit të Kosovës, takimi mes kryeministrit Albin Kurti dhe kryetarit të Partisë Demokratike të Kosovës, Bedri Hamza.

Ky i pari, para se të hyjë në takim, tha se po vazhdojnë përpjekjet që javën tjetër gjithçka që të përfundojë me sukses.

“Po shkojmë në takim për ta vazhduar dhe maksimalizuar përpjekjet, në mënyrë që javën e ardhshme gjithçka të kurorëzohet me sukses”, tha kryeministri Albin Kurti.

Ndërkohë, Hamza shkurt ka thënë se në takim do të diskutohet për situatën aktuale politike.