Çitaku: Sikur Sami Lushtaku të vritej në luftë, edhe Kurti do shkonte t'i vendoste lule
Vlora Çitaku nga PDK-ja akuzoi Albin Kurtin për obsesion të pashpjegueshëm ndaj Sami Lushtakut, duke e cilësuar qëndrimin e tij si "jokorrekt dhe jonjerëzor."
Duke folur në T7, Çitaku tha se Lushtaku është plagosur disa herë gjatë luftës dhe se ende ngrihet natën për të vizituar varrezat e shokëve të rënë.
"Sikur të ishte i vdekur edhe vetë Albin Kurti do shkonte te varri i tij e do t'i vendoste lule," tha Çitaku.
Ajo shtoi se kritikat ndaj Lushtakut i sheh si "reflektim i deficitit personal" të kryeministrit.
