Çështja e Presidentit: Kurti dhe Abdixhiku takohen sërish sot

Lideri i Lëvizjes Vetëvendosje, Albin Kurti, dhe ai i Lidhjes Demokratike të Kosovës, Lumir Abdixhiku, do të takohen sërish sot për të diskutuar rreth çështjes së Presidentit të Kosovës.

Siç ka mësuar Gazeta Nacionale, takimi mes Kurtit dhe Abdixhikut do të zhvillohet në orën 18:00.

Kurti dhe Abdixhiku kanë intensifikuar takimet e tyre ditëve të fundit, ndërsa diskutimet mund të çojnë drejt propozimit të emrave konkretë për Presidentin e Kosovës.

Deri më tani as Kurti dhe as Abdixhiku nuk kanë bërë të ditur ndonjë emër konkret për këtë pozitë.