Borell konfirmon takimin ndërmjet Kurtit dhe Vuçiqit
Përfaqësuesi i Lartë i Bashkimit Evropian për politikë të jashtme, Josep Borell, i ka konfirmuar ftesën për presidentin e Serbisë, Aleksander Vuçiq dhe kryeministrin e Kosovës, Albin Kurti, për t’u takuar më 18 gusht në Bruksel.
Në llogarinë e tij në “Twitter”, ai ka shkruar se në këtë takim do të diskutohet për rrugën përpara të procesit të dialogut në mes të dy vendeve.
“Po ftoj presidentin e Serbisë, Vuçiq, dhe kryeministrin e Kosovës, Kurti, në Bruksel më 18 gusht, për të diskutuar për rrugën përpara ndërmjet Prishtinës dhe Beogradit”, ka shkruar Borrell.
I am inviting President of Serbia Vucic @predsenikrs and Prime Minister of Kosovo Kurti @albinkurti on 18 August to Brussels, to discuss the way forward between Pristina and Belgrade.
— Josep Borrell Fontelles (@JosepBorrellF) August 6, 2022
