Bisedë mes Chollet dhe Vuçiq, flasin për “formimin urgjent” të Asociacionit
Tashmë kur s’kanë mbetur as një javë kohë nga takimi i Nivelit të Lartë më 2 maj në Bruksel ndërmjet Kryeministrit të Kosovës, Albin Kurti dhe Presidentit të Serbisë, Aleksandar Vuçiq, ky i fundit pati një thirrje telefonike nga Zyrtari i Lartë i Departamentit amerikan të Shtetit, Derek Chollet. Biseda mes tyre, siç njoftoi Chollet, ishte e dy natyrave: Marrëveshja Kosovë-Serbi dhe marrëdhëniet ShBA-Serbi. Për atë të parën, Derek Chollet identifikoi një “urgjencë” – Asociacionin e Komunave Serbe.
“Bisedë përmbajtësore dhe pozitive me Presidentin e Serbisë, Aleksandar Vuçiq sot. U pajtuam rreth fuqizimit të vazhdueshëm të marrëdhënieve ndëermjet Shteteve të Bashkuara dhe Serbisë dhe përqendrimin e përbashkët në progresin rreth Dialogut, e në veçanti për nevojën urgjente për formimin e Asociacionit të Komunave Serbe. Presim takim konstruktiv më 2 maj në Bruksel”, shkroi Derek Chollet në Twitter.
Substantive, positive talk with President Vucic @predsednikrs today. Agreed on continued strength of 🇺🇸-🇷🇸 partnership and shared focus on progress in the Dialogue, especially the urgent need to form ASM. We expect a constructive meeting on May 2 in Brussels.
— Derek Chollet (@CounselorDOS) April 27, 2023
