Biden: Nuk mendoj që Putini do t’i përdorë armët bërthamore
Presidenti i Shteteve të Bashkuara, Joe Biden, tha të martën se nuk mendon që homologu i tij rus, Vladimir Putin, do të përdorë armë bërthamore.
Ai e dha këtë përgjigje në një intervistë për televizionin CNN të martën në mbrëmje. Komenti i tij erdhi pas paralajmërimit që e bëri javën e kaluar, kur tha se bota ballafaqohet me rrezikun më të madh bërthamor që nga kriza kubane e raketave e vitit 1962.
Kur u pyet nëse mendon se Putini do të përdorë armë bërthamore, presidenti amerikan tha: “Nuk mendoj se do ta bëjë.”
Without detailing specifics, President Biden says contingencies have been gamed out should Russia use a tactical nuclear weapon in Ukraine https://t.co/EiwMxTbhRL pic.twitter.com/N7cSo3vjOx
— CNN Politics (@CNNPolitics) October 12, 2022
Sa i përket paralajmërimit të javës së kaluar, shefi i Shtëpisë së Bardhë tha: “I tërë thelbi që doja ta paraqisja ishte që kjo mund të çojë thjesht te një rezultat i tmerrshëm dhe jo për shkak se ndokush synon që ta shndërrojë këtë në një luftë botërore ose diçka, por thjesht kur ti përdor një armë bërthamore, gabimet që mund të bëhen, llogaritjet e gabuara, kush e di se çfarë do të ndodhte.”
