Berisha kritikon televizionet: Televizionet shqiptare shesin vuajtje
Gazetarja Kimete Berisha ka kritikuar televizionet shqiptare për përmbajtjet që ofrojnë.
Ajo ka bërë me dije se këto televizione shikuesve iu shesin vetëm vuajtje.
Në profilin e saj në “Facebook”, Berisha ka shkruar se kush vuan më shumë është më interesanti për popullin.
“Televizionet shqiptare shesin vuajtje - prodhim vendor, vuajtje e përjetuar ose e punuar me dorë (s'vërehet dallimi)...kryesore të jetë me motive popullore, vuajtje tradicionale! Vuajtje ka me shumicë, dhe vuajtja nuk është si lumturia, vuajtja nuk përnngjan me vuajtjen njëra - tjetrën. Kush vuan më shumë, kush është më tragjik - është më interesanti për popullin. Lumturia tek shqiptarët e sotëm nuk ka vlerë. Askush nuk blen lumturi. Televizioni nuk e blen tregimin e lumtur. Prandaj, prodhohet kaq shumë vuajtje. Burri qan për nanën që e ka gjallë. Qan sepse thotë se e do nanën. Vuajtje e madhe”, ka shkruar Berisha.
