Behrami: Kurti më shpesh e ka shkelur Kushtetutën sesa pragun e Kuvendit
Deputeti i Partisë Demokratike të Kosovës, Artan Behrami ka folur sërish në lidhje me bllokadën institucionale.
Behrami ka thënë se kryeministri në detyrë, Albin Kurtin, dhe partia e tij, Lëvizja Vetëvendosje, janë përgjegjës për situatën e krijuar.
Duke folur në Klan Kosova, Behrami deklaroi se Kurti “më shpesh e ka shkelur Kushtetutën sesa pragun e Kuvendit të Kosovës”.
“Ai nuk e ka fare problem këtë. Dhe shkeljen e Kushtetutës madje e portretizon si patriotizëm, kinse po e bën për interes të Republikës së Kosovës. Dhe kjo është po ashtu një çmenduri”, ka deklaruar Behrami.
