Begaj uron Kosovën për liberalizimin e vizave: Arritje e merituar, por e vonuar

Presidenti i Shqipërisë, Bajram Begaj ka uruar Kosovën për liberalizimin e vizave.

Begaj përmes një shkrimi në Facebook, ka thënë se kjo është një arritje e merituar por e vonuar.

Shkrimi i tij:

Urime qytetarëve të Kosovës, të cilët nga sot udhëtojnë pa viza në Evropë!

Kjo është një arritje e merituar, por e vonuar.

Shpresoj që ky hap të përshpejtojë të gjithë procesin e anëtarësimit të Kosovës në BE dhe organizatat e tjera ndërkombëtare.