Azemi: Për një grusht vota, sot morëm paralajmërimin për sanksione të reja

Visar Azemi, anëtari i Lidhjes Demokratike të Kosovës (LDK), ka shprehur kritika të forta ndaj lidershipit të kryeministrit Albin Kurti. Vërejtjet e Azemit vijnë në kohën kur Kosova duhet të festonte heqjen e sanksioneve të Bashkimit Evropian, por në vend të kësaj, përballet me paralajmërime me shtim të sanksioneve.

Azemi ia atribuoi këtë situatë të pasigurt atyre që ai i cilëson si “veprime të pamatura dhe të pakoordinuara” të qeverisë së Kurtit.

Ai akuzoi qeverinë për shfrytëzimin e çështjeve të ndjeshme kombëtare për përfitime elektorale, duke paralajmëruar se një sjellje e tillë mund të çojë në izolim të mëtejshëm të Kosovës në skenën ndërkombëtare.