ASK: Edhe serbët po marrin pjesë në regjistrimin e popullsisë

Agjencia e Statistikave të Kosovës (ASK), ka bërë të ditur se edhe komuniteti serb janë duke marrë pjesë në regjistrimin e popullsisë në Kosovës.

Avni Kastrati, kryeshef ekzekutiv në ASK ka thënë se serbët po regjistrohen nga të gjitha komunat e veriut.

“Ka edhe pjesëmarrës nga komuniteti serb nga të gjitha komunat e veriut. Ne mendojmë që në ditët në vijim një pjesë e madhe e tyre do të jetë pjesë e regjistrimit.” – ka thënë ai, raporton Radio Evropa e Lirë.

Sipas ASK-së, deri më tani janë regjistruar rreth 206.000 mijë banorë të deklaruar si shqiptarë, afër 2.000 të deklaruar si serbë dhe shifra më të vogla nga komunitetet tjera në vend.