Arrestohet një i dyshuar për plagosjen e tre personave në Pejë

Policia e Kosovës ka arrestuar një person lidhur me plagosjen e tre personave të mërkurën mbrëma në Pejë.

Lajmin e ka konfirumuar për Telegrafin, prokurori Ersan Qavolli.

I dyshuari është arrestuar për veprën penale dhënia e ndihmës pas kryerjes së veprës penale.

“Po është arrestuar një person i cili dyshohet për veprën penale dhënia e ndihmës pas kryerjes së veprës penale. I njëjti është ndaluar për 48 orë.” – ka thënë Qavolli.

Kujtojmë se i dyshuari tjetër kryesor është shpallur në kërkim policor, ku Policia ka kërkuar ndihmën e qytetarëve për kapjen e tij.