Arrestohet një grua në Rahovec, dëboi nga shtëpia bashkëshortin

Policia e Kosovës në raportin njëzet e katër orësh ka njoftuar për arrestimin dhe lirimin në procedurë të rregullt të një gruaje në Rahovec, pasi që e njëjta kishte kanosur dhe dëbuar nga shtëpia bashkëshortin e saj.

“Rahovec 18.02.2026 – 15:25. Është arrestuar e dyshuara femër kosovare, pasi ajo ka dëbuar nga shtëpia bashkëshortin e saj mashkull kosovar, duke e kanosur. Me vendim të prokurorit e dyshuara pas intervistimit është liruar në procedurë të rregullt”, thuhet në raport.