Arrestohet në Prishtinë një shtetas i huaj i kërkuar me urdhër-arrest ndërkombëtar
Policia e Kosovës ka arrestuar në Prishtinë një shtetas të huaj të kërkuar nga autoritetet gjermane përmes një urdhër-arresti ndërkombëtar të lëshuar nga INTERPOL-i.
Arrestimi u realizua nga Drejtoria për Bashkëpunim Ndërkombëtar Policor në koordinim me njësitë e Drejtorisë Rajonale të Policisë në Prishtinë.
Sipas njoftimit zyrtar, i dyshuari kërkohej nga Gjermania për veprën penale “tentativë vrasjeje me dashje”, e paraparë dhe e sanksionuar me Kodin Penal gjerman.
Me urdhër të prokurorit kujdestar, i arrestuari është ndaluar për 48 orë, ndërsa ndaj tij pritet të vazhdojnë procedurat e mëtejshme ligjore.
