Arrestohet 48-vjeçari shqiptar në SHBA, vrau kolegun brenda fabrikës ku punonin

Një shqiptar në Shtetet e Bashkuara të Amerikës dyshohet se ka vrarë kolegun e tij të punës brenda fabrikës ku punonin. Pas këtij rasti, Policia amerikane ka arrestuar 48-vjeçarin shqiptar, Astrit Bushi.

Sipas Detroit News, ngjarja e rëndë ka ndodhur më 11 gusht në një fabrikë të General Motors në Oakland të SHBA-së, ku Astrit Gjon Bushi sulmoi dhe vrau kolegun e tij Gregory Robertson i cili punonte si pastrues në fabrikë.

Sherifi i Policisë së qarkut Oakland, Michael Bouchard tha në një njoftim për shtyp se Robertson kishte punuar në fabrikë për rreth shtatë muaj. Ndërkohë shqiptari nuk ka rrëfyer ende motivet që e kanë shtyrë drejt krimit të rëndë.