Arrestohen edhe katër të dyshuar për të shtëna me armë zjarri në dasmë

Janë arrestuar edhe katër persona sot si të dyshuar për shtënie me armë zjarri në një aheng familjar në fshatin Pastasellë të Rahovecit.

Në njoftimin e lëshuar thuhet se nga të dyshuarit janë sekuestruar katër armë zjarri. Prej tyre, një armë zjarri e gjatë automatike, tri armë zjarri të llojit pistoletë, pesë karikatorë, njëzetë e dy copë fishekë dhe tridhjetë e një gëzhoja.

“Të gjitha veprimet hetimore janë ndërmarrë në kordinim me prokurorin e shtetit, me vendimin e të cilit është iniciuar rast “mbajtja në pronësi, kontroll ose posedim të paautorizuar të armëve dhe përdorim i armës apo mjetit te rrezikshëm”. Rasti do të trajtohet në procedurë të rregullt”, thuhet në njoftim.