Arrestohen dy persona, sulmuan me thikë një të mitur në Fushë Kosovë

Dy persona kanë sulmuar me thikë një të mitur në Fushë Kosovë, saktësisht në rrugën Aziz Zhilivoda gjatë ditës së premte.

Policia e Kosovës përmes raportit 24-orësh ka bërë të ditur se viktima është i mitur dhe i njëjti është dërguar në QKUK për tretman mjekësor.

Sipas PK, dy të dyshuarit, njëri i mitur, janë dërguar në mbajtje me vendim të prokurorit.

“Rr. Aziz Zhilivoda, Fushë Kosovë 01.12.2023 - 09:25. Janë arrestuar dy të dyshuar meshkuj kosovarë, njëri i mitur, pasi që pas një mosmarrëveshje kanë sulmuar fizikisht me mjet të mprehtë (thikë) viktimën mashkull kosovar -i mitur. Viktima është dërguar për tretman mjekësor në QKUK, ndërsa të dyshuarit me vendim të prokurorit janë dërguar në mbajtje.” – thuhet në raport.