Analisti çmonton propagandën e VV-së: Pushteti po manipulon me grafikona
Analisti Shenoll Muharremi ka reaguar ndaj grafikonit të VV-së, i cili paraqet rritjen e të hyrave nga dogana gjatë vitit 2022-2023.
Ai ka kritikuar partinë në pushtet se po bën propagandë me këtë çështje.
Në profilin e tij në “Facebook”, Muharremi ka shkruar se në grfikonin e saj VV-ja rritjen e të hyrave për 71 milionë po e paraqet si me qenë rritja 70%.
Ai ka nxjerr grafikonin real, ku shihet se dallimi nga viti paraprak nuk është i madh.
“Jemi lodhur me propagandë. Vetëm shiqojeni grafikonin e manipuluar të pushtetit. Dmth ka rritje të të hyrave për 71 milion nga viti 2022 por pushteti e paraqet me grafikon rritjen si me qenë 70%. E mora mundin me e paraqitë grafikonin real si duket me shifra të njejta sa me pa dallimin edhe nga Hëna nëse dëshironi. Ska nevojë me manipuluar, vetëm bëjeni punën”, ka shkruar Muharremi.
