Ambasada amerikane përsërit fjalët e Escobar: Kemi disa sfida në marrëdhëniet tona, mbështetja për kosovarët e palëkundur
Ambasada Amerikane në Prishtinë ka publikuar pamje nga vizita e emisarit amerikan për Ballkanin Perëndimor, Gabriel Escobar, në Kosovë.
Ambasada përmes një shkrimi në X, ka njoftuar se Escobar u takua me liderët kosovarë, opozitën, shoqërinë civile e përfaqësues të medias.
Po ashtu, janë përsëritur fjalët e Escobar që përderisa aktualisht ka sfida në marrëdhëniet mes dy vendeve, përkrahja amerikane për popullin e Kosovës është e palëkundur.
“Ambasada e SHBA-së në Prishtinë mirëpriti Zëvendës Ndihmës Sekretarin Gabriel Escobar për një vizitë në Kosovë këtë javë, ku ai u takua me liderët kosovarë, opozitën, shoqërinë civile dhe përfaqësues të mediave për të mbështetur përparimin e disa çështjeve urgjente. Siç theksoi Escobar, përderisa kemi disa sfida në marrëdhëniet tona dypalëshe tani, mbështetja jonë për popullin e Kosovës është e palëkundur.” – thuhet në njoftimin e ambasadës.
U.S. Embassy Pristina welcomed Deputy Assistant Secretary Gabriel Escobar for a visit to Kosovo this week, where he met with Kosovan leaders, opposition, civil society, and media representatives to support moving several pressing issues forward. As DAS Escobar noted, while we… pic.twitter.com/3bQMMASv1g
— U.S. Embassy Pristina (@USEmbPristina) March 16, 2024
