Aliu sërish flet për përgjimin e Nacionales: Nuk i kemi problem ato farë sulme

Ministri i Infrastrukturës, Liburn Aliu, i është përgjigjur deputetes së PDK-së, Deliu-Kodra, rreth përgjimeve të publikuara nga Nacionale.

Aliu ka thënë se këto janë sulme të mediave, për të cilat u shpreh se nuk lodhet fort.

“Është pikërisht ky raport i Auditimit që është ndalur ai procesi, që ka tendencë me vazhdu, mbase e thërrasim hetuesinë. Ka prodhuar edhe atë serinë e sulmeve mediatike ndaj neve. Nuk e kemi problem atë far pune. Ky është vetëm një hap”, tha Aliu.

“Njëjtë sikur në pjesën e mjedisit që kemi bërë auditim në projektet e ujërave. Të njëjtën auditim do ta bëjmë për të gjitha projektet për mënyrën që është punuar, edhe për rrugën Dollc Gjakovë. Të gjitha këto hasim parregullsi në vazhdimësi”, theksoi ministri.