Albin Kurtit i ikën një këshilltare
Elizabeth Gowing është larguar nga posti i këshilltares së kryeministrit Albin Kurti për punët e komunitetit.
Ajo ka bërë me dije se kjo ka qenë java e fundit që ka shërbyer në këtë funksion.
Në profilin e saj në “Facebook”, Gowing ka shkruar se ndihet krenare për kontributin që ka dhënë në këtë fushë për tri vite e gjysmë.
“Kjo ishte java ime e fundit në rolin tim si Këshilltar i Kryeministrit për punët e komunitetit. Ndjehem shumë me fat që pata këto tre vite e gjysmë për të kontribuar në këtë fushë për të cilën kujdesem aq shumë, dhe jam krenar për të gjitha ato që qeveria ka arritur për prioritetet e komunitetit jo shumicë si punësimi dhe arsimi. Unë besoj se arrita të krijoj kanale të reja komunikimi mes pakicave dhe vendimmarrësve, me dalje praktike që ndërlidhi punën në terren me politikat qeveritare”, ka shkruar ajo.
Më tej, ajo ka treguar se do të vazhdoj të qëndroj në Kosovë.
“Natyrisht, do të vazhdoj në Kosovë, tani me kohën ta përfundoj librin tim të ri (në lagjen Blloku i Pare të Prishtinës) dhe të punoj në nismat e barit për kauzat që gjithmonë kanë qenë afër zemrës sime – të drejtat e komunitetit, drejtësinë sociale dhe mbrojtjen e mjedisit. Jam gjithashtu i kënaqur që mund të vazhdoj rolin tim si Kryetare e Komisionit për Verifikimin e Diplomave. Faleminderit të gjithëve me të cilët kam bashkëpunuar gjatë këtyre viteve: Jam shumë mirënjohës për të gjitha mundësitë që kam pasur për të mësuar nga ju”, ka shkruar ajo.
