Aksident trafiku në Dragobil të Malishevës, katër të lënduar
Një aksident trafiku ka ndodhur të hënën në fshatin Dragobil të Malishevës, me pasojë katër të lënduar.
Sheremet Elezi, zëdhënësi o policisë për zonën e Gjakovës, ka konfirmuar ngjarjen, duke thënë se në përplasje janë përfshirë dy vetura.
“Rreth orës 16:00 është raportuar aksident trafiku në fshatin Dragobil-Malishevë. Policia ka dalë në vendin e ngjarjes ku të përfshirë në aksident kanë qenë dy automjete. Përveç dëmeve materiale, deri më tani është raportuar për katër persona të lënduar”, tha ai, raporton Telegrafi.
