Ahmeti: Refuzim palidhje i LDK-së për mostakimin me presidentin Begaj

Ish kryetari i Prishtinës, Shpend Ahmeti e ka cilësuar si palidhje refuzimin e LDK-së për mostakimin me presidentin e Shqipërisë, Bajram Begaj.

Ahmeti në Twitter ka shkruar se presidenti është mbi partitë, andaj shkuarja e Begajt nëpër seli të partive do ta bllokonte qytetin.

“Presidenti i Shq. është institucion mbi partitë. Takimi i tij me kryetarët e partive në Kuvend është i drejtë dhe i barabartë. Mos të flasim për logjistikë ku shkuarja e tij nëpër seli të partive do bllokonte qytetin. Palidhje refuzim LDK!”, ka shkruar Ahmeti.