Aeroplani ushtarak amerikan KC-135 rrëzohet në Irak
Përpjekjet për shpëtim janë duke u zhvilluar, pasi një aeroplan ushtarak amerikan për rimbushje të aeroplanëve të tjerë me karburant u rrëzua në Irak, tha të enjten Komanda Qendrore e ushtrisë amerikane.
Aeroplani i tipit KC-135 ishte pjesë e një operacioni kundër Iranit, por rrëzimi i tij nuk ishte rezultat i zjarrit nga armiku apo zjarrit të paqëllimshëm nga forcat amerikane apo aleate, tha ushtria, raporton agjencia e lajmeve “Associated Press”.
Komanda Qendrore, e cila i mbikëqyr operacionet në Lindjen e Mesme, tha në një deklaratë se dy aeroplanë ishin të përfshirë në incident. Njëri nga ta aterroi në mënyrë të sigurt, ndërsa tjetri u rrëzua në pjesën perëndimore të Irakut.
Një zyrtar amerikan, i cili foli në kushte anonimiteti, tha se aeroplani tjetër i përfshirë gjithashtu ishte i tipit KC-135.
U.S. Central Command is aware of the loss of a U.S. KC-135 refueling aircraft. The incident occurred in friendly airspace during Operation Epic Fury, and rescue efforts are ongoing. Two aircraft were involved in the incident. One of the aircraft went down in western Iraq, and the…
— U.S. Central Command (@CENTCOM) March 12, 2026
