Abdixhiku: Republika e Kosovës dhe emri i Ibrahim Rugovës janë një
Kryetari i Lidhjes Demokratike të Kosovës, Lumir Abdixhiku, pas zbulimit të shtatores së ish-presidentit Ibrahim Rugova në Pejë, ka thënë se “prijësi kthehet në Pejë”.
Abdixhiku ka thënë se me këtë nderuan epokën e ndritshme të përpjekjes për liri, pavarësi e demokraci, gjithashtu nderuan edhe vet Republikën e Kosovës, sepse Republika e Kosovës dhe emri i Ibrahim Rugovës janë një!
Ai tutje ka falënderuar kryetarin e Pejës, Gazmend Muhaxherin si edhe Gëzim Muriqin për punën e palodhshme.
Postimi i plotë:
Prijësi kthehet në Pejë!
Para qindra e mijëra qytetarëve të Dukagjinit - në gjashtëmbëdhjetë vjetorin e pavarësisë së Republikës - zbuluam shtatoren e Presidentit Historik Dr. Ibrahim Rugova.
Me këtë nderuam jo vetëm epokën e ndritshme të përpjekjes sonë për liri, pavarësi e demokraci, por nderuam vet Republikën e Kosovës, sepse Republika e Kosovës dhe emri i Ibrahim Rugovës janë një!
Faleminderit Gazmend Muhaxheri për kurorëzimin e kësaj nisme. Faleminderit mjeshtër Gëzim Muriqi për punën e palodhshme; të lumshin duart!
Pejë - dhe jo vetëm - ta gëzoni si kujtim të përjetshëm! Identifikimi me Ibrahim Rugovën, arkitektin e shtetësisë është vlerë. Pjesëmarrja e juaj masive, në këtë ditë e datë të shenjtë ishte vlerë!
Liri, pavarësi, demokraci - gjithëherë!
