Abdixhiku pritet në takim edhe në Pentagon

Kryetari i LDK-së, Lumir Abdixhiku, ka treguar se ka zhvilluar një takim të rëndësishme në Pentagon.

Në profilin e tij në “Facebook”, ai ka shkruar se kjo ka qenë një ndër pritjet më të rëndësishme të vizitës së tij në ShBA.

“Në Pentagon, tempullin e mbrojtjes së demokracisë dhe vet lirisë. Një ndër pritjet më të rëndësishme të kësaj vizite”, ka shkruar Abdixhiku.

I pari i LDK-së është duke qëndruar në SHBA për një vizitë disa ditore.

Gjatë kësaj vizite, ai ka takuar zyrtarë të lartë të amerikan, përfaqësues të departamentit të shtetit, senatorë e kongresistë amerikan.