Abdixhiku: Politika e sotme e Albin Kurtit është po aq e dëmshme sa gabimet fatale të së kaluarës
Në një intervistë për emisionin "Click" në RTV21, kryetari i Lidhjes Demokratike të Kosovës (LDK), Lumir Abdixhiku, ka kritikuar ashpër kryeministrin Albin Kurti dhe qeverinë e tij për "dëmet që po ua shkaktojnë vendit."
Abdixhiku nuk ka kursyer kritikat dhe ka përmendur disa ngjarje specifike që sipas tij kanë ndodhur si rezultat i gabimeve të politikës së Kurtit. Ai ka theksuar se veprimet e tanishme të qeverisë janë po aq të dëmshme sa gabimet fatale të së kaluarës.
“Politika e sotme e Albin Kurtit është po aq e dëmshme sa gabimet fatale të së kaluarës”, tha Abdixhiku.
“Ka trazuar veriun, si pasojë e gabimeve të Kurtit janë rrahur shumë gazetarë, janë sulmuar ushtarët e KFOR-it, aleatët i kanë vendosur sanksione Kosovës dhe gjithçka përsëri do kthehet në pikën zero. Do të organizohen zgjedhjet në veri dhe në komuna do të kthehen sërish kryetarët serbë”, tha ai.
