Abdixhiku pas takimit me Kurtin: Në takimin e ardhshëm do të vijmë me emra konkretë
Kreu i Lidhjes Demokratike të Kosovës, Lumir Abdixhiku, ka deklaruar se në takimin e ardhshëm palët pritet të paraqiten me emra konkretë.
Pas takimit me kryeministrin në detyrë, Albin Kurti, Abdixhiku tha se për këtë çështje nevojiten fillimisht konsultime të brendshme.
“U dakorduam të vimë me emra konkret në takimin e ardhshëm. Meqenëse për emrat, na duhen konsultime të brendshme”, deklaroi ai.
