Abdixhiku nga Malisheva, njofton tre kandidatë për deputetë: “Momentumi i madh i LDK-së”
Në kuadër të asaj që ia vënë emrin “Turneu i Ndryshimit”, Kryetari i Lidhjes Demokratike të Kosovës, Lumir Abdixhiku, mblodhi një numër të konsiderueshëm mbështetësish në qytetin e Malishevës, ku edhe shpaloi tre emra të kandidatëve për deputetë nga ky vend: Fatmir Ademaj, Fetah Rudi dhe Fatmir Kastrati.s
“Malisheva sonte u bë pjesë e momentumit të madh të Lidhjes Demokratike të Kosovës”, shkroi Abdixhiku në një postim në Fejsbul.
Postimi i plotë:
Malisheva, sonte u bë pjesë e momentumit të madh të Lidhjes Demokratike! Turneu i Ndryshimit po na bën bashkë anekënd Kosovës në rrugëtimin tonë më të rëndësishëm - drejt ndryshimit që po ndërtojmë së bashku! Falënderoj përzemërsisht kryetarin e degës së LDK-së në Malishevë, Fatmir Ademaj dhe secilin prej jush që treguat se bashkimi dhe shpresa janë forca jonë më e madhe. Kjo është Kosova që duam të ndërtojmë së bashku – një Kosovë e mundësive dhe mirëqenies për të gjithë.
Në këtë tubim prezantuam edhe kandidatët tanë për Malishevë, që përveç Fatmir Ademajt, janë Fetah Rudi dhe Fatmir Kastrati të cilët do të jenë dhe pjesë e ekipit tonë fitues më 9 shkurt. Ata janë njerëz që përfaqësojnë qytetarët me dinjitet dhe me vendosmëri të madhe për ta sjellë ndryshimin e shumëpritur.
Me çdo ndalesë të Turneut të Ndryshimit, po bindemi se këto nuk janë tubime të zakonshme – janë themelet e një Lidhjeje që i përfaqëson ëndrrat dhe aspiratat e çdo qytetari të Kosovës. Prandaj, falemnderit që ju përgjegjet thirrjes sonë sonte në Malishevë! Më 9 shkurt do ta sjellim bashkë ndryshimin e madh për Kosovën!
Më 9 shkurt - BËHU NDRYSHIMI!
