Abdixhiku: Kjo ditë nuk është e lehtë për mua, nuk kam qenë i përkryer as i pagabueshëm

Kryetari i LDK-së, Lumir Abdixhiku ka filluar fjalën e tij në Kuvendin e Jashtëzakonshëm të LDK-së, ku delegatët kërkuan shkarkimin e tij.

Ai tha se kjo ditë nuk është e lehtë për të.

“Nuk kam qenë as i përkryer e as i pagabueshëm. Por mund të them se asnjë vendim nuk e kam marrë për interesa personale, para atyre të paritësë. Këtë rrugë e kam bërë bashkë me ju, edhe me disa nga ju që sot e keni thirrur këtë Kuvend. Sot mund të kemi dallime të thella, por ato nuk mund të fshijnë rrugën që kemi bërë së bashku. Kjo ditë nuk është e lehtë për mua. Përpara se të jemi kundërshtar, kemi qenë bashkëpunëtor. Para se të ndahemi për një njeri, kemi qenë të bashkuar për një ide.” – tha ndër të tjera Abdixhiku