AAK: Pushteti po përgatit terrenin për zgjedhje të reja

Aleanca për Ardhmërinë e Kosovës ka njoftuar se të martën është mbajtur mbledhja e Këshillit të Kryetarëve të Degëve, ku, sipas partisë, janë diskutuar çështje të organizimit të brendshëm dhe aktivitetit politik.

Duke iu referuar procesit për zgjedhjen e Presidentit, AAK ka deklaruar se, sipas vlerësimit të saj, synimi i pushtetit aktual është që vendi të shkojë në zgjedhje të reja.

AAK ka shkruar se zhvillimet e deritanishme përputhen me qëndrimet që partia ka shprehur më herët, duke akuzuar pushtetin për fajësimin e partive të tjera dhe për përpjekje që zgjedhjet të mbahen në një datë që, sipas saj, i përshtatet partive në pushtet.

Në reagim, AAK ka kritikuar gjithashtu qeverisjen për situatën me energjinë, furnizimet nga Serbia, trajtimin e bizneseve vendore dhe gjendjen ekonomike.

Sipas AAK-së, pushteti aktual “nuk meriton të qeverisë me jetën e qytetarëve”.