AAK i jep mbështetje protestës së studentëve shqiptarë në Maqedoninë e Veriut
AAK përkrah protestën e studentëve shqiptarë në Maqedoninë e Veriut për provimin e jurisprudencës në gjuhën shqipe
Aleanca për Ardhmërinë e Kosovës ka shprehur përkrahje për protestën e thirrur nga studentët shqiptarë në Maqedoninë e Veriut, të cilët kërkojnë realizimin e së drejtës për të dhënë provimin e jurisprudencës në gjuhën shqipe.
Në reagimin e saj, AAK thekson se kjo është një kërkesë e drejtë dhe legjitime, pasi përdorimi i gjuhës shqipe është i garantuar me Kushtetutë dhe me ligj, por që sipas studentëve ende nuk po zbatohet në praktikë.
Aleanca ka bërë thirrje që institucionet përgjegjëse në Maqedoninë e Veriut të veprojnë pa vonesë, duke respektuar parimin e barazisë dhe të drejtat e shqiptarëve, të garantuara edhe me Kushtetutë.
