30 ditë paraburgim për K.M. nën dyshimin për vrasje të rëndë në tentativë
Gjykata Themelore në Pejë - Departamenti për Krime të Rënda, ka caktuar masën e paraburgimit prej 30 ditësh ndaj të pandehurit K.M., pas kërkesës së Prokurorisë Themelore në Pejë.
Sipas gjykatës, ekziston dyshim i bazuar se K.M. ka kryer veprën penale “Vrasje e rëndë e mbetur në tentativë”, në përputhje me dispozitat e Kodit Penal të Republikës së Kosovës. Paraburgimi është caktuar duke u mbështetur në kushtet ligjore të Kodit të Procedurës Penale.
Masa e paraburgimit fillon më 6 shkurt 2026, në ora 04:00, dhe do të zgjasë deri më 6 mars 2026. Fillimisht, i pandehuri do të mbahet në Repartin e Psikiatrisë në Pejë për trajtim shëndetësor, ndërsa më pas do të transferohet në Qendrën e Paraburgimit.
