Shkencëtarët tregojnë se çka mund ta ketë vrarë Bruce Lee-në
Një studim i ri pretendon të hedhë dritë mbi vdekjen e yllit të famshëm të filmit dhe artistit të luftërave marciale, Bruce Lee.
Aktori i "Enter The Dragon" vdiq në korrik të vitit 1973 në moshën e re 32-vjeçare pasi pësoi një edeme cerebrale (ënjtje të trurit).
Ënjtja mendohej të ishte një reagim ndaj qetësuesit meprobamate(ilaç), i cili përbënte një pjesë të një qetësuesi të dhimbjes që Lee iu dha i quajtur me emrin Equagesic.
Megjithatë, një ekip studiuesish ka sugjeruar tani se edema ishte shkaktuar nga hiponatremia. "Me fjalë të tjera, ne propozojmë që paaftësia e veshkave për të nxjerrë ujin e tepërt e vrau Bruce Lee," shkruajnë shkencëtarët në punimin e botuar në Clinical Kidney Journal.
Disa faktorë sugjerojnë se Lee mund të ketë konsumuar sasi jashtëzakonisht të larta të lëngjeve në atë kohë për shkak të dietës së tij, e cila përbëhej nga shumë lëngje dhe pije proteinike, dhe përdorimi i marihuanës, e cila shkakton rritje të etjes.
"Në përmbledhje, Lee kishte faktorë të shumtë rreziku që predispozonin për hiponatreminë që rezulton nga ndërhyrja në mekanizmat e homeostazës së ujit që rregullojnë marrjen e ujit dhe sekretimin e ujit," shkruajnë studiuesit.
"Ne supozojmë se Bruce Lee vdiq nga një formë specifike e mosfunksionimit të veshkave: paaftësia për të nxjerrë ujë të mjaftueshëm për të ruajtur homeostazën e ujit."
Ata përfunduan: "Për ironi, Lee e bëri të famshëm thënien "Bëhu ujë miku im", por uji i tepërt duket se e ka vrarë atë përfundimisht."
Lee u riimagjinua në filmin e Quentin Tarantino të vitit 2019, ‘Once Upon a Time’ në Hollywood.
Një skenë tregon personazhin e Brad Pitt duke hedhur legjendën e arteve marciale (të luajtur nga Mike Moh) në një makinë pasi Lee sfidon Cliff (Pitt) në një luftë.
Vajza e Lee, Shannon Lee, e dënoi ashpër Tarantinon për përshkrimin e babait të saj, duke e quajtur atë "të papërgjegjshëm" për shfaqjen e Lee-së si "një vrimë an**e, plot me ajër të nxehtë".
Në një paraqitje në podcastin e Joe Rogan vitin e kaluar, Tarantino iu drejtua polemikave, duke thënë: “Prej nga vij unë mund ta kuptoj që vajza e tij ka një problem me këtë. Është babai i saj. Të gjithë të tjerët: shkoni ta thithni *****.”
