Bogujevci për Kadarenë: Drita e penës së tij nga sot kaloi në përjetësi

Nënkryetarja e Kuvendit të Kosovës, Saranda Bogujevci, ka reaguar për vdekjen e shkrimtarit të madh, Ismail Kadaresë.

Bogujevci tha se drita e penës së tij nga sot kaloi në përjetësi.

Shkrimi:

Ismail Kadare, sot mbylli sytë. Drita e penës së tij nga sot kaloi në përjetësi.

Mjeshtri i madh i letërsisë sot u largua nga kjo botë duke na lënë pas thesarin e çmuar të shkruar në shqip dhe përkthyer në dhjetra gjuhë.

Kushdo nga ne që e mbërriti në të gjallë, do t'i thotë fëmijëve që do të lindin se jetuam në kohën e Kadaresë.

Lamtumirë, i madhi Ismail Kadare!