Ushtria polake thotë se një objekt hyri në Poloni gjatë sulmit rus ndaj Ukrainës

Një objekt fluturoi brenda hapësirës ajrore polake gjatë sulmit të Rusisë ndaj Ukrainës të hënën dhe ndoshta aterroi në territorin polak, raportoi agjencia shtetërore e lajmeve, PAP, duke e cituar komandën operacionale të ushtrisë.

Agjencia PAP raportoi se ishin duke u zhvilluar kërkime për objektin, i cili nuk është raketë, raporton agjencia “Reuters”.

“Gjatë sulmit masiv të së hënës ndaj territorit ukrainas, ne ndoshta kishim një objekt duke fluturuar në territorin polak” – citohet të ketë thënë Gjeneral Maciej Klisz, komandant operues i Forcave të Armatosura, sipas “Polsat News”.

“Objekti u konfirmua nga radio-lokalizimi përmes të paktën tri stacioneve të radarëve. Unë pata kontroll të plotë të objektit, isha gati për ta rrëzuar” – shtoi ai.

Polonia, anëtare e NATO-s, ka kufi të gjatë me Ukrainën dhe ka qenë mbështetëse e palëkundur e Kievit kundër forcave pushtuese ruse gjatë luftës./Nacionale