Tre të vrarë e 15 të lënduar nga sulmi rus në një bllok banesor në Kharkiv
Rusia goditi të martën një bllok banesor në qytetin verilindor të Ukrainës, Kharkiv, duke vrarë të paktën tre persona e duke lënduar 15 të tjerë. Ka frikë se disa njerëz mund të jenë nën rrënoja, thanë autoritetet lokale.
“Njëra nga ndërtesat e larta u godit drejtpërdrejt” – tha në rrjetin “Telegram” guvernatori rajonal, Oleh Syniehubov. Në pamje të publikuara në rrjete sociale u pa një vrimë në ndërtesë, raporton agjencia “Reuters”.
Kryetari i Kharkivit, Ihor Terekhov, tha në “Telegram” se Rusia kishte sulmuar të paktën katër distrikte pasdite, përfshirë zonën me popullsinë më të dendur në qytet.
Kharkivi, qyteti i dytë më i madh në Ukrainë, dhe rajoni përreth tij rregullisht janë në shënjestër të sulmeve ruse.
Trupat ruse përdorin gjerësisht bomba shumë shkatërruese me drejtim që sistemi ukrainas i mbrojtjes ajrore ka vështirësi për t’i ndalur.
Rusia mohon se vë në shënjestër qëllimisht civilë, edhe pse ka vrarë mijëra sosh që nga fillimi i pushtimit të plotë të Ukrainës më 2022.
This is what russia did in Kharkiv today. Three dead, 15 wounded so far. People are still trapped under the rubble. Do human lives no longer mean anything in this world?
— Iryna Voichuk (@IrynaVoichuk) September 24, 2024
📹place_kharkiv pic.twitter.com/E07gmILoBw
