Tërmet i fuqishëm në Japoni, dalin pamje të aeroplanit duke u lëkundur në pistë

Një tërmet i fuqishëm prej 6,9 shkallësh e goditi të hënën rajonin jugor japonez, Kyushu, tha Agjencia Meteorologjike e Japonisë.

Këshilla për kujdes për cunami me valë me lartësi prej maksimalisht një metri u lëshuan për prefekturat jugore, Miyazaki dhe Kochi, raporton agjencia e lajmeve “Reuters”.

Një cunami 20-centimetërsh u regjistrua më vonë të ketë arritur në qytetin Miyazaki, raportoi tranmetuesi publik.

Në rrjetin X është publikuar një video ku një aeroplan që ndodhej në pistën e një aeroporti po lëkundej gjatë tërmetit. Disa pasagjerë e incizuan rastin.