Siria arreston tre të dyshuar për lidhje me masakrën famëkeqe të Tadamonit
Forcat e sigurisë në Risi thanë të hënën se arrestuan tre persona të përfshirë në ekzekutimin e qindra civilëve nga forcat qeveritare në Damask më 2013, dy vjet pas fillimit të luftës civile 13-vjeçre.
Dhjetëra automjete të policisë u rreshtuan në rrugët e Tadamonit, periferi e Damaskut afër kampit të refugjatëve palestinezë “Yarmouk”, ku forcat e sigurisë i kryen arrestimet në të njëjtat rrugë që dikur ishin dëshmitare të ekzekutimeve masive, raporton agjencia e lajmeve “Associated Press”.
Në vitin 2022, një video e rrjedhur e datës 16 prill 2013 dukej se përmbante pamje të rënda të ekzekutimeve. Në pamje shihen anëtarë të famëkeqes Dega 227 e Inteligjencës Ushtarake duke renditur një varg prej 40 të burgosurish me sy të lidhur e me duar të lidhura prapa shpinës. Një nga një, të armatosurit i shtynin ose i shqelmonin të burgosurit drejt një grope të mbushur me goma të vjetra, duke i qëlluar ata me armë gjatë rrëzimit.
Njëri nga tre burrat e arrestuar është Monzer Al-Jazairi, banor i lagjes Zaira dhe ish-operativ në sigurinë ushtarake që operonte para rrëzimit të ish-presidentit Bashar al-Assad në dhjetor.
I rrethuar nga pjesëtarët e forcave të sigurisë, Al-Jazairi tregoi se si forcat e tij i sillnin të ndaluarit e arrestuar në pika kontrolli në grupe brenda ndërtesave, i qëllonin me armë dhe i vrisnin e më pas i hidhnin në erë ndërtesat. Sipas vlerësimit të tij, ai dhe kolegët e tij kanë vrarë rreth 500 njerëz.
Është e paqartë nëse ai foli nën detyrim apo në mënyrë vullnetare.
Paralajmërim: Pamje të ndjeshme!
We must remember: massacres that are forgotten are repeated.
— Samer Daboul (@samerdaboul6) February 17, 2025
After 12 years, three perpetrators of the Tadamon massacre in Damascus have finally been arrested. pic.twitter.com/0TsVD9oyBS
